Nipilersornerup silarsuaanit

KODA NERSORNAASIISOQ

2. maj 2009. Taalliortut erinniortullu kattuffiat KODA 2008-mut nersornaasiimmat Sisimiut Timersortarfianni nuannattunnguaqarpoq.

Herluf Møller, nipilersoqatigiit HEJ-ikkut siuttuat 2008-mut Nersornaammik tunineqarpoq, nuannersumillu tusarnaartitsilluni.

Isumalluarnartunut Nersornaat 2008 rappertartunut pingasunut tunniuneqarpoq, tassaasut Jospal G, Don Maliko kiisalu Feat, tunineqareeramillu rappersuataarput.

Ataqqinaammik Nersornaat 2008, Ole Kristiansenimut tunniunneqarpoq, unnummili tassani Ole tusarnaartitsinngilaq. Nersornaaserneqareerluni assiliseqatigai soralussani Ikiuna Kristiansen Olsen taassumalu anaanaa, Olep najaa, Hanne Kristiansen.

Nersornaaserneqartut Backstagemi (scenep tunuani).

Nersornaasiinermi ilisarititsisoq (konferencier) Juaaka Lyberth (guitarerluni erinarsortoq) tupaallatsinneqarpoq Immikkut Nersornaat 2008-mik tunineqarami, kingornalu erinarsorluni tusarnaartitsivoq.

KODA-p sinniisui nersornaasiinermi najuuttut, Birgitte Theresia Henriksen (tusagassiutinut attaveqaataasartoq) kiisalu Erik Martins.

Nersornaasiinerup unnuani barimi sulisut, assililaaqqugamik piuminakassaat ;-)