SISIMIUT

lørdag den 31. januar 2009

Tusaamasat tikeraartut

13. maj 1999. Erinarsortartoq Lis Sørensen sinersortaammut ilaalluni Sisimiunut tikittoq tusarnaartitsiartorluni, KNI-p nalliuttorsiorneranut atasumik.

Lis Sørensen aamma nunatsinni nipilersortartoq nalunngilluagarput Ole Kristiansen Pisiffiup silataani seqinnisaajutaa tamulorujoortut.

Quiasaarisartoq 'Erna Iversen' alias Peter Larsen arnaasaarutini nalunnginneqarluartut atorlugit Pisiffiup silataani aliikkusersuerujoortoq.

Tikeraanut ilaagujoq tv-iikkut aallakaatitassiortartoq Hans Otto Bisgaard, ilisarititsisartutut (konferencier) angalaqataasoq.

Nunatsinni erinarsortartut nalunngilluakkagut Ulf Fleischer (saamerleq) aamma Miki Jakobsen Pisiffiup silataani tusarnaartitsisut.

Seqinnarissuarmi Pisiffiup isaariaqarfiani inuppaalunnguit aliikkusiarput.

Ingen kommentarer:

Send en kommentar

Sisimiut assitigut takujuk / Sisimiut in pictures

Digitalimik assiliineq 1996-imi misilittaqqaalerakku assiliivik digitaliusoq akueriuminaatseqqaarsimavara, taamanimi digitalimik assiliiviit pitsaassutsimikkut killeqalaartorujussuupput. Taamaakkaluartoq assiliivik digitali assiliissutigisarlugu taamanili attassimavara, kaasarfimmioriuaannarakkulu sumiikkaluaraangamaluunniit assiliilaartuartarpunga taamaalillungalu Sisimiuni pisartut ilarpassui assitigut malinnaaffigisarlugit.

Malugiuk!
Quppernerup naqqani allaqqasoq Ældre indlæg toorukku siusinnerusukkut assit ikkutat takusinnaavatit.

Since I started using a digital camera in 1996 I was a little doubt about the quality of these cameras back then were very limited in their visual qualities. But I used it anyway until today where I always have it in my pocket, and so I went with the camera of the many that is happening in our city.

Note!

When you press Ældre indlæg at the bottom screen, you can also see other pictures from the past.

SARSUA MEDIA

1996-imi tusagassiortutut naammassivunga Nuummi tamatumalu kingorna aviisi Sivdlek', Sisimiut Tusaataat aammalu Sisimiut TV suliffigisarsimallugit. Sivdlek' ukiuni arlalippaalunni aaqqissuisuuffigaara aammalu Nunaqarfimmiut Aviisiat aqqissuisuuffigisimallugu kiisalu Sisimiut TV ukiuni arlalinni pisortaaffigisimallugu.

Novemberip aallaqqaataaniit 2008 tusagassiortututut namminersortunngorpunga tv-iikkut nutaarsiassalerineq pingaarnerutillugu sulisarlunga. Suliffimineeraatiga taaguuserpara SARSUA MEDIA, tassungalu aallaavigitippara angerlarsimaffitta aqqusernga; Sarsuatsiivinnguup qulaa.

Tunitsivigisartagarali 2009-ip aasarnerani nalunaaruteqarmat namminersortunut pisiortortarnertik unitsinneqartoq, allatut ajornartumik aalajangersimasumik suliffeqalerpunga 2010 aallarnerfigalugu.