SISIMIUT

lørdag den 3. oktober 2009

Illoqarfiup nuannannera 2009

5. september 2009. Illoqarfitsinni nuannatsitsineq ukiaq manna Nalunnguarfiup tasiata Taseraliullu eqqaani ingerlanneqarmat qujanartumik silagissiorpugut naak nillilaaraluartoq. Ullup qeqqaniit unnuap qeqqarneranut nuannanneq amerlasuunit orninneqarluarpoq.

Karl Åge Lyberth (saamerleq) Aqqalunnguaq Petersenilu, erinarsortut, qatanngutigiit Lars Frederik Lundblad (bassertoq) aamma Karl Jørgen Enoksen (trommertoq), ualikkut appisimaarujoorput nuannersumik.

Sisimiut Teenages Dancers, qittareqalutingaasit takutitsisut.

Peter Lyberth, Aqqa, tupaallatsitsivoq scenemut qaqeriarluni erinarsorami, tassami upernassartoq niaqqumigut aanaartoorpoq.

Steen Olsen appisimaarami Pink Floyd-it erinniaat taalliaallu nikinganeqanngilluinnartumik tusarnaartitsissutigimmagit alutornaqaaq, asulumi ataasiakkaarisarneri assigerluinnarlugit appisimaarami.

Ivinnguaq Brandt pisarnermisut erinageqaluni nuannisartitsivoq. Ivinnguaq Qeqertarsuarmiuuvoq Sisimiunilu ilinniartuulluni, tusarnaartitsigaangallu assorsuaq nuannarineqartarluni.

Ivinnguaq Bandikkut appisimaarneranni Isajas Berthelsen aliikkutarineqaqaaq scenep saavani qiterujoorluni nuannisartitsikutsoorami, pikkutsakkaluttuinnaramilu kiisa scenemut qaqivoq aatsaat iluamik inuppassuarnit takuneqarsinnaalerami nuannivissumik aliikkutaavoq, asulumi qittarinnermik :-)

Ingen kommentarer:

Send en kommentar

Sisimiut assitigut takujuk / Sisimiut in pictures

Digitalimik assiliineq 1996-imi misilittaqqaalerakku assiliivik digitaliusoq akueriuminaatseqqaarsimavara, taamanimi digitalimik assiliiviit pitsaassutsimikkut killeqalaartorujussuupput. Taamaakkaluartoq assiliivik digitali assiliissutigisarlugu taamanili attassimavara, kaasarfimmioriuaannarakkulu sumiikkaluaraangamaluunniit assiliilaartuartarpunga taamaalillungalu Sisimiuni pisartut ilarpassui assitigut malinnaaffigisarlugit.

Malugiuk!
Quppernerup naqqani allaqqasoq Ældre indlæg toorukku siusinnerusukkut assit ikkutat takusinnaavatit.

Since I started using a digital camera in 1996 I was a little doubt about the quality of these cameras back then were very limited in their visual qualities. But I used it anyway until today where I always have it in my pocket, and so I went with the camera of the many that is happening in our city.

Note!

When you press Ældre indlæg at the bottom screen, you can also see other pictures from the past.

SARSUA MEDIA

1996-imi tusagassiortutut naammassivunga Nuummi tamatumalu kingorna aviisi Sivdlek', Sisimiut Tusaataat aammalu Sisimiut TV suliffigisarsimallugit. Sivdlek' ukiuni arlalippaalunni aaqqissuisuuffigaara aammalu Nunaqarfimmiut Aviisiat aqqissuisuuffigisimallugu kiisalu Sisimiut TV ukiuni arlalinni pisortaaffigisimallugu.

Novemberip aallaqqaataaniit 2008 tusagassiortututut namminersortunngorpunga tv-iikkut nutaarsiassalerineq pingaarnerutillugu sulisarlunga. Suliffimineeraatiga taaguuserpara SARSUA MEDIA, tassungalu aallaavigitippara angerlarsimaffitta aqqusernga; Sarsuatsiivinnguup qulaa.

Tunitsivigisartagarali 2009-ip aasarnerani nalunaaruteqarmat namminersortunut pisiortortarnertik unitsinneqartoq, allatut ajornartumik aalajangersimasumik suliffeqalerpunga 2010 aallarnerfigalugu.