lørdag den 11. juli 2009
Sisimiut illoqarfippalaartunngortittariaqarpoq
Sisimiut illoqarfittut ineriartortoq ukiorpassuarni malittaralugu isumaliutersornartunik takusassaqarfiujuaannarpoq. Ukiup affaa missiliorlugu illoqarfik nunataalu ukiuunerani aputeqartaraluartoq aamma ukiup affaa aputeqarneq ajorpoq. Pingaartumik upernaakkut aputaarneraniit ukiakkut apinissaa tikillugu illoqarfik aputeqarani "aasaasarmat" piffissap tamatuma nalaa misissornarsisarpoq. Tamannaluuna pissutigalugu allaatigisami uani isumaliutigisartakkakka assitalersorlugit takutinniarikka.
Ilisimalluarpara Sisimiut illoqarfippalaartunngornerulissappat aningaasanik naleqartoq. Isumaqarpungali ukiuni aggersuni illoqarfiup ineriartornera ilutigalugu illoqarfippalaartunngorsaaneq kommunep suliassaasa ilagisariaqaraat, taamaalilluni illoqarfik alliartuinnartoq aamma kusanartumik ilusilersugaalluni ineriartortinneqarsinnaammat.
Illoqarfippalaartunngorsaanissamik isumaliutersorninni pingaartuutippara, illoqarfitsinni angallaffiit - biilinut aqquserngit aamma inunnut pisuffissiat - isumannaannerulersinneqarsinnaanerat, minnerunngitsumilli aamma nunatanik atorluaalernissamut periarfissat pitsaanerulersinneqarsinnaanerat. Minnerunngitsumilli takornariat Sisimiunut tikittartut - ingammik aasaanerani tikerartartorpassuit - eqqarsaatigalugit illoqarfitta takujuminartuunissaa ilusilersorluagaanissaalu pingaartillugit isumaliutersuutikka assitalersorlugit saqqummiuppakka.
Abonner på:
Kommentarer til indlægget (Atom)
Ingen kommentarer:
Send en kommentar