17. november 1998. Mittarfiup tungaanut aqqusineq, taamanilu eqqaamaqaara assut issittukasiusoq anoraa assut qiianarluni.

27. oktober 1998. Kommunep allaffiata eqqaani puilasuliap tasia sikusimasoq meeqqat qamuserlutik nuannisarfigerujooraat.

aajunalu John Bjerregaard.

Timmisartuussisaqattaarnermi pilotiupput Sisimiormiut, aajuna Henrik Steinbacher (kinguliaa eqqaamanerlunngikkukku),

2. oktober 1998. Sisimiut saamiatungaaniippoq Kangerluarsunnguaq akunneralugu avannamut kitaatungaani mittarfik nuisalluni. Sisimiut mittarfittaarnerat nalliussillugu innuttaasut timmisartuunneqaqattaarmata assilisaq. 27. oktober 1998. Sakkutuut umiarsuaat VÆDDEREN helikopterialu. Palasip qaqqaa maluginiaraanni taamani ukiarpalaanngitsorujussuuvoq, iluamimmi aputeqanngilarluunniit. Palasip qaqqaanut majuarfissap nalaa. 5. december 1998. Palasip qaqqaa. 551 meterinik portussuseqarpoq silalu alianaalluinnaraangami qaqqaq kusanartumik qalipaatinittuusisarpoq.

27. oktober 1998. Sanaartornermik Ilinniarfimmi. Eqqaamaniarpara aalisarneq piniarnerlu pillugit isumasioqatigiittut, kommune peqatigalugu.

16. oktober 1998. Sisimiormiut utoqqartaat Innuttaasut Illuanni katerisimaartut. Nuannisartarunaqaat sapaatip akunneri tamaasa naapisimaartaramik imminnullu arlaannik susassaqartillutik aliikkutaqarlutillu.

4. december 1998. Seqineq pukkilisoq alianaalluinnarluni tarrikkiartulersoq. Umiivitsiamiit isikkivik. Aallalerneq killitsinnartoq, taamanimi pisimasoq alianaqisumik Sisimiormiunit misigineqarpoq ajunaartullu ernera helikopterimut ikimmat killitsinnaqaaq avatangiisit assut nipaallutik. Marts 1998. Arctic Circle Race-mi arpaqataasoq Italiamioq apummit sisoorfigitittoqarmat ajunaarpoq, taamanilu ilerra Sisimiuniit aallarunneqalermat ajunaartup ernera ataqqinnittumik killitsinnaqisumillu heliportitoqqamiit inuulluaqquneqarpoq.

3. december 1998. Hotel Sisimiut qummut allineqassalluni suliarineqassamaalersoq.

26. oktober 1998. Qajartortartut peqatigiiffianni siulittaasoq Kâlêraq Bech umiarsualiviup avataatungaani qajartuartoq.

5. oktober 1998. Knud Rasmussenip Højskoliani ilinniartitsisuusimasut Adam Nielsen (saamerleq) aamma Hans L. Larsen (qiterleq), atuakkiortut peqatigiiffianniit nersornaatisisut, tunniussisuulluni atuakkiortut siulittaasuat Aqqaluk Lynge.

16. oktober 1998. "Naalungiarsuit naapiffiat" Innuttaasut Illuanni sapaatip akunnikkaartumik pisarpoq, aajukualu taamanikkut naalungiarsuutillit naapisimaarujoortut.

12. oktober 1998. Sisimiuni ukiorpassuarni ilinniartitsisuusimasut Kaj Rohmann Hansen aamma Ruth Labansen, soraarninngorlutik ilasseqatigiissitsinerminni isersimasunut aliikkusersuillutik oqaloqatigiittut.

5. oktober 1998. Mittarfiup aqqutaanik atoqqaarfissiorlutik arpattut heliportiusimasumiit aallakaasut.

5. oktober 1998. Sisimiut mittarfittaarnerat malunnartinniarlugu rulleskøjtinik sukkaniuttut, mittarfittaap tungaanut aqqusineq 4 km missaani isorartutigisoq atoqqaarfissiorlugu.

September 1998. Nalunnguarfiup Atuarfiani blok 5-imi iikkamut qalipagaq, sooq pinerpoq-aasiit nuannariivittarpara, quinartuliarineqarnerami torrallataaviugami!

Oktober 1998. Ullua uanga eqqaamanerlulaarpara, kisianni oktoberi aallartilaartoq Sisimiut mittarfittaavat atoqqaarfissiorneqarpoq. Qiorsisut tassaapput taamani angallannermut naalakkersuisoq Peter Grønvold Samuelsen (saamerleq), Sisimiut borgmesteriat Hermann Berthelsen (qiterleq), kiisalu naalakkersuisut siulittaasuat Jonathan Motzfeldt.

Minneq iluatsilluarpoq, mittarfittaassarlu atulernissaminut piariiliivippoq.

September 1998. Sisimiut mittarfittaassaat atulersinnagu siullermeerlugu Dash 7-mit miffigineqalersoq.