Sungiusarneq

24. april 1999. Kalerrisaarut siggartaassuaq illoqarfimmi appimmat kingorna mittarfiup eqqaani pujorsuaq qernertoq takussaalerpoq, siggartaassuullu maanaannakkut tutsiuttarnera nalinginnaasuunngimmat tupannaqaaq ingammik pujorsuaq takussaalermat.

Qujanartumilli sungiusarnerinnaasimavoq, mittarfimmullu aqqutaa ikaartarfimmi asserneqareeraluartoq illoqarfiup aviisiani sulisuunera pissutigalugu mittarfiliarnissannut akuerineqarpunga taamalu sungiusarnermi pisut assilisaqattaarlugit.

Qatserisartut Aqqaluk Lennert (saamerleq) aamma Karl Davidsen (talerpilleq) kiisalu Karl Lundblad (qiterleq) ajutoortuusaaqataalluni anniartuusaarpoq. Taamani ilinniartut ajutoortuusaaqataallutik sungiusaqataapput.

Ukiorpassuarni Sisimiuni qatserisartut ittorisimasaat Bjarne Larsen (uggornaraluartumik toqukkut peerussimalereersoq), sungiusarneq naammassimmat suleqatini oqaloqatigigai.