SISIMIUT

fredag den 22. april 2011

Avannaata Qimussersua:

Pingasoriarluni ajugaaneq

Sisimiut timersortarfiat 26. marts 2011. Jørgen Kristensen pokalinnatsinneqartussanngorluni scenemukaanneqartoq.

Jørgen Kristensen, Iluliarmiu, Avannaata Qimussersua 2011 Sisimiuni ingerlanneqarmat ajugaavoq. Joorut taamaalilluni Avannaata Qimussersuani ilaasarnermini maannamut pingajussaa pissartanngorpoq. Siullermik 2007-mi ajugaavoq, aappassaani 2010-mi, 2011-milu Sisimiuni.

Oqummiannguup tasia, Sisimiut, 26. marts 2011. Ville Siegstad sukkaniutereerluni apuuttoq.

Avannaata Qimussersua 1989-mi ingerlanneqartalerpoq, aallartinneraniillu maannamut inuit pingasut kisimik pingasoriarlutik pissartanngortarsimapput. Iluliarmiu Ville Siegstad qimussersuartarnerup oqaluttuassartaani siullersaalluni pingasoriarluni ajugaavoq. Ajugaaneri pisarsimapput 1996, 2004 aamma 2009. Ville 2011-mi Sisimiuni sukkaniunnermi nr. 5-iuvoq.

Ukkusissarmiu Edvard Samuelsen aamma pingasoriarluni Avannaata Qimussersuani ajuugaasimavoq, ukiuni 1998, 2000 aamma 2001.

(angusanit najoqqutat: qimussersaq.gl)

Ingen kommentarer:

Send en kommentar

Sisimiut assitigut takujuk / Sisimiut in pictures

Digitalimik assiliineq 1996-imi misilittaqqaalerakku assiliivik digitaliusoq akueriuminaatseqqaarsimavara, taamanimi digitalimik assiliiviit pitsaassutsimikkut killeqalaartorujussuupput. Taamaakkaluartoq assiliivik digitali assiliissutigisarlugu taamanili attassimavara, kaasarfimmioriuaannarakkulu sumiikkaluaraangamaluunniit assiliilaartuartarpunga taamaalillungalu Sisimiuni pisartut ilarpassui assitigut malinnaaffigisarlugit.

Malugiuk!
Quppernerup naqqani allaqqasoq Ældre indlæg toorukku siusinnerusukkut assit ikkutat takusinnaavatit.

Since I started using a digital camera in 1996 I was a little doubt about the quality of these cameras back then were very limited in their visual qualities. But I used it anyway until today where I always have it in my pocket, and so I went with the camera of the many that is happening in our city.

Note!

When you press Ældre indlæg at the bottom screen, you can also see other pictures from the past.

SARSUA MEDIA

1996-imi tusagassiortutut naammassivunga Nuummi tamatumalu kingorna aviisi Sivdlek', Sisimiut Tusaataat aammalu Sisimiut TV suliffigisarsimallugit. Sivdlek' ukiuni arlalippaalunni aaqqissuisuuffigaara aammalu Nunaqarfimmiut Aviisiat aqqissuisuuffigisimallugu kiisalu Sisimiut TV ukiuni arlalinni pisortaaffigisimallugu.

Novemberip aallaqqaataaniit 2008 tusagassiortututut namminersortunngorpunga tv-iikkut nutaarsiassalerineq pingaarnerutillugu sulisarlunga. Suliffimineeraatiga taaguuserpara SARSUA MEDIA, tassungalu aallaavigitippara angerlarsimaffitta aqqusernga; Sarsuatsiivinnguup qulaa.

Tunitsivigisartagarali 2009-ip aasarnerani nalunaaruteqarmat namminersortunut pisiortortarnertik unitsinneqartoq, allatut ajornartumik aalajangersimasumik suliffeqalerpunga 2010 aallarnerfigalugu.