SISIMIUT

torsdag den 28. juli 2011

Qeqqani Erinarsoqatigiit

Julip aqqarnganiit 14-ianut erinarsoqatigiinnik arlalinnik Sisimiuni tusarnaagassaaleqinngeqaagut. Qeqqani Erinarsoqatigiit - Sisimiormiut, Maniitsormiut Nuummiullu - ataatsimoormata ulluni taakkunani unnukkut Taseralimmi tusarnaartitsipput, nuannersumik tusarnersumillu.

Erinarsoqatigiiaat peqataasut tassaapput Sikkersut aamma Noqarteq (Sisimiut), Kangaamiuni Erinarsoqatigiit (Kangaamiut), Inuusuit Nipaat (Maniitsoq), Erinalik (Atammik), Qissiat, NIPE kiisalu Nuummi Angutit Erinarsoqatigiit (Nuuk). Aaqqissuisut oqaatigaat taakku ataatsimoorlutik inuit 80-it sinneqartut.

Taseralimmi tusarnaartitsineq julip 14-ani naggaserneqarmat inuiattut erinarsuuterput Nuna Asiilasooq naggasiutigineqarmat tusaasatigut misigisaq pikkunaq! Inersuaq ulikkaavissimasoq tusarnaariartugut tamatta nikuilluta tusarnersumik tusarnaartinneqaratta ilorpiatsigut attortisimagunarpugut. Erinarsuutip taassuma tusarnaarneratigut inuiattut ataasiusutut misigisimanaqaaq, nukissamillu pissarsinaqaluni.

Sungiusarneq

Erinarsoqatigiit ulluni taakkunani ataatsimoornerminni ullaamiit ualingaatsiamut immikkuutitaartarlutik ataatsimoortarlutillu sungiusartarput. Assimi qullermi takuneqarsinnaavoq erinarsornermut nipilersornermullu ilinniartitsisoq Titken Jakobsen (ingilluni pattagiartoq). Tikki nipilersortartuuvoq tamatigoorluinnartoq pikkorissorlu, erinarsoqatigiillu Qissiat aqutsisuuffigai.

Unillatsiarfiit

Peqataasut unillatsiarnerminni, sungiusarfimmiluunniit ataatsimuunngikkaangamik Taseralik Cafémi ataatsimuualaartarput. Assimi qullermi takuneqarsinnaapput operamik erinarsortartut Josef Lund Josefsen (saamiatungaaniit tulleq) aamma Ida H. Olsen (talerpiatungaani isorleq) Qissiat erinarsortuisa ilaat qungujulaaqatigerujooraat. Assip tulliani takuneqarsinnaavoq (utoqqaq qeqqani issiasoq) Osvald Olsen, kukkunngikkuma peqataasuni ukioqqortunersaasoq, oqaatigineqarpoq 80-it sinnerlugit ukioqartoq. Asseq alleq: Taseraliup silataani pujortaattut.

Silami naggasiineq

Ullut sisamat unnuini tusarnaartitsisaqattaarnerit nuannarineqangaaramik unnuk kingullermi tusarnaartut nuanneraluartitsiinnarnermik aammaloortoreersullu Qeqqani Erinarsoqatigiit Taseraliup silataanukariarlutik erinarsuutinik marlunnik naggasiigamik suli nuannerneroriaannarpoq. Inuppassuit silami erinarsortut nipaat soorlumi suli pikkunarsineroriaannartoq, tusaanerisigummi nipit silaannarmut aanngartarnerat inersuup iluani nipit kaaviiaartarneranniit allaaneroqisoq malunnarmat, assut tusarnerlutik.

Qissiat

Qissiat, angutit erinarsoqatigiit Nuummeersut (immaqa inuttai amerlanerit sineriammiut Nuummut nuunnerit?) peqataanerat tusarnaartuulluni nuannerluinnarpoq. Radiokkut tv-iikkulluunniit taamaallaat tusaasarsimallugit kiisami qanimut takullugit tusarnaarlugillu tulluusimaarnaqaaq Nunarput taama tusarnertigisunik erinarsoqatigeeqarmat. Qujan'!

Ingen kommentarer:

Send en kommentar

Sisimiut assitigut takujuk / Sisimiut in pictures

Digitalimik assiliineq 1996-imi misilittaqqaalerakku assiliivik digitaliusoq akueriuminaatseqqaarsimavara, taamanimi digitalimik assiliiviit pitsaassutsimikkut killeqalaartorujussuupput. Taamaakkaluartoq assiliivik digitali assiliissutigisarlugu taamanili attassimavara, kaasarfimmioriuaannarakkulu sumiikkaluaraangamaluunniit assiliilaartuartarpunga taamaalillungalu Sisimiuni pisartut ilarpassui assitigut malinnaaffigisarlugit.

Malugiuk!
Quppernerup naqqani allaqqasoq Ældre indlæg toorukku siusinnerusukkut assit ikkutat takusinnaavatit.

Since I started using a digital camera in 1996 I was a little doubt about the quality of these cameras back then were very limited in their visual qualities. But I used it anyway until today where I always have it in my pocket, and so I went with the camera of the many that is happening in our city.

Note!

When you press Ældre indlæg at the bottom screen, you can also see other pictures from the past.

SARSUA MEDIA

1996-imi tusagassiortutut naammassivunga Nuummi tamatumalu kingorna aviisi Sivdlek', Sisimiut Tusaataat aammalu Sisimiut TV suliffigisarsimallugit. Sivdlek' ukiuni arlalippaalunni aaqqissuisuuffigaara aammalu Nunaqarfimmiut Aviisiat aqqissuisuuffigisimallugu kiisalu Sisimiut TV ukiuni arlalinni pisortaaffigisimallugu.

Novemberip aallaqqaataaniit 2008 tusagassiortututut namminersortunngorpunga tv-iikkut nutaarsiassalerineq pingaarnerutillugu sulisarlunga. Suliffimineeraatiga taaguuserpara SARSUA MEDIA, tassungalu aallaavigitippara angerlarsimaffitta aqqusernga; Sarsuatsiivinnguup qulaa.

Tunitsivigisartagarali 2009-ip aasarnerani nalunaaruteqarmat namminersortunut pisiortortarnertik unitsinneqartoq, allatut ajornartumik aalajangersimasumik suliffeqalerpunga 2010 aallarnerfigalugu.