SISIMIUT

torsdag den 9. december 2010

Pissusitoqqanik allanngortitsiumanngitsut sianissutsimikkullu unittooqqasut
- aamma Inuit Ataqatigiit?

Partii naalakkersuisuutitaqartoq IA taamak apererusunnarsivoq, aningaasaqarnermut naalakkersuisup demokraatineersup DR-imi oqaloqatigineqarluni inuiaqatinnguagut taama taammagit:

Pissusitoqqanik allanngortitsiumanngitsut sianissutsimikkullu unittooqqasut!

Eqqarsaannarpungami: Arraa una naalakkersuisuni ilaasortannguakasik sianissutsiminik tunngajunnaarsimavoq imminullu sorsuartut isigerpasilluni inuiaqatinnguagut sinnerlugillusooq nikassaalluni. Ajuusaarn'! Suli eqqumiinneruliinnarpoq, naalakkersuinikkut suleqatigisaanit uparuarneqanngimmat sunnguamillunniit oqaaseqarfigineqarani. Arajutsisimanngikkuma?

Suleqatigisaminiimmi oqaaseqarfigineqaranilu "inissinneqarsimanngikkuni" taava inuiaqatigiinnguit uagut tamatta - aamma naalakkersuisuutitagut inatsisartullu tamaasa ilanngullugit - taassuma isumaa malillugu pissusitoqqanik allanngortitsiumanatalu sianissusitsigut unittooqqavugut! Uangaanngitsoq.

Nunami maani aningaasaqarnermut naalakkersuisuugaanni, nunallu aningaasaqarnera ingerlalluartunngortinniarlugu eqqarsaatikkut ilungersorsimagaanni, taava sooq nuna manna qimallugu nunami allami, inuiannut allanut taama oqaluttoqarsinnaava? Nuna manna uummateqarfigigaanni tamaani inuussutissarsiortut aningaasarsiornikkullu napatitseqataasut tikillugit nunap aningaasaqarnera pitsaanerulersinniarlugu aatsaat sulisoqarsinnaavoq. Imaanngitsoq inuiaat allat namminerlu aatsaat oqaaseqatigisat tikillugit aatsaat suliniartoqassasoq.

Nunarput aningaasarsiornikkut siuarsarniaraanni politikereq nunamini innuttani tikillugit sulisariaqarpoq: Illoqarfiit nunaqarfiillu innuttai, aalisartutut piniartutullu inuussutissarsiortut, namminersortut allarpassuillu nammineersinnaassusertik anersaaralugu aningaasarsiornermik ingerlatserusuttut tikillugit oqaloqatigalugillu. Isumassarsioqatigalugit periarfissanillu ujartueqatigalugit. Imaanngilarmi; danmarkimi radiokkut naalaartartut oqariartorfigalugit nunatta aningaasarsiornera siuariartortinneqarsinnaasoq.

Ilimagivallaanngilara qulequtsiussara Inuit Ataqatigiit isumaqatigissagaat, 2009-imimi nunatsinnik aqutsinermik tigusigamik taannalu sioqqullugu qineqqusaaramik nunatsinni allannguinissamik anguniagaqarniarlutik siunnerfigaat. Allannguiniarneq piviusunngussappat politikerit innuttaasullu suleqatigiinnerusariaqarput oqaloqatigiinnerusariaqarlutillu.

Imaattariaqanngilarmi; Inatsisartuni ataatsimiinneq naammassiniariartoq nunatta avataanukapallariarluni nunatta inuisa qanoq innerannik naqissusiiniarneq akuerineqarsinnaanngitsoq politikerip akisussaaffimmik taama angitigisumik tigummiaqartup ajornanngitsunnguamik iliuuserisassagaa. Nunatsinni taamatut allannguiniarneq angulertorneqarsinnaanngilaq.

1 kommentar:

Aasinaasit sagde ...: Kakkaammiaasit Palle Naammagilernannguatualerami kalaalliniit anillallunilu isussukuluttussaatitaaneramiuna nunami allami. imminut aasariaqalerput ingasappallaaleqaat. qanittumiaasit aamma aalisarnermut piniarnermut naalakkersuisoq pisassivoq aarfit 143-ut uffa beologit inassutigigaat 177-it naalakkersuisumaasit nungusaanini takuteqqiinnakaseqaa piniartunik. qinersinissap tullia uanga assut qilanaaraara neriuppunga qanittumi pissasoq.; 11. januar 2011 kl. 11.16

Send en kommentar

Sisimiut assitigut takujuk / Sisimiut in pictures

Digitalimik assiliineq 1996-imi misilittaqqaalerakku assiliivik digitaliusoq akueriuminaatseqqaarsimavara, taamanimi digitalimik assiliiviit pitsaassutsimikkut killeqalaartorujussuupput. Taamaakkaluartoq assiliivik digitali assiliissutigisarlugu taamanili attassimavara, kaasarfimmioriuaannarakkulu sumiikkaluaraangamaluunniit assiliilaartuartarpunga taamaalillungalu Sisimiuni pisartut ilarpassui assitigut malinnaaffigisarlugit.

Malugiuk!
Quppernerup naqqani allaqqasoq Ældre indlæg toorukku siusinnerusukkut assit ikkutat takusinnaavatit.

Since I started using a digital camera in 1996 I was a little doubt about the quality of these cameras back then were very limited in their visual qualities. But I used it anyway until today where I always have it in my pocket, and so I went with the camera of the many that is happening in our city.

Note!

When you press Ældre indlæg at the bottom screen, you can also see other pictures from the past.

SARSUA MEDIA

1996-imi tusagassiortutut naammassivunga Nuummi tamatumalu kingorna aviisi Sivdlek', Sisimiut Tusaataat aammalu Sisimiut TV suliffigisarsimallugit. Sivdlek' ukiuni arlalippaalunni aaqqissuisuuffigaara aammalu Nunaqarfimmiut Aviisiat aqqissuisuuffigisimallugu kiisalu Sisimiut TV ukiuni arlalinni pisortaaffigisimallugu.

Novemberip aallaqqaataaniit 2008 tusagassiortututut namminersortunngorpunga tv-iikkut nutaarsiassalerineq pingaarnerutillugu sulisarlunga. Suliffimineeraatiga taaguuserpara SARSUA MEDIA, tassungalu aallaavigitippara angerlarsimaffitta aqqusernga; Sarsuatsiivinnguup qulaa.

Tunitsivigisartagarali 2009-ip aasarnerani nalunaaruteqarmat namminersortunut pisiortortarnertik unitsinneqartoq, allatut ajornartumik aalajangersimasumik suliffeqalerpunga 2010 aallarnerfigalugu.