Uku assilisakka quiasaarusiaralugit qungujuutigilaagassanngorlugillu allagartalerlugit suliarigakkit saqqummiutissanagillu qangali uninngaterusaalerpakka. Saqqummiukkukkit qaqqulaarneqassasoralunga uninngatittuarsimavakka, maannali isummerpunga misilillugu saqqummiunniarlugit.
Qaqqulaarneqassaguma piipallakkumaarpakka, nalunngilarami uagut inuiaqatigiinnguit akunnitsinni ajuallatsinneqaraangatta qanoq sakkortutigisumik qisuariartartugut, namminermi misigereerpara.
2009-mi qineqqusaarnerup nalaani assilisaapput, taamanilu Siumup siulittaasua Hans Enoksen, partiimi tassani maanna siulittaasumit Aleqa Hammondimit unammillerneqapajaareersoq tusarneqartalereerpoq. Paasinngikkaluarpara suna oqaluuserineraat, taamanilu siulittaasulerngusaattoqarnissaa eqqartorneqartalereermat tassunga saatiinnarakkit.
Ingen kommentarer:
Send en kommentar