SISIMIUT

mandag den 18. april 2011

Kinguaariit tallimat - marloriaammik

Ilaqutariinni kinguaariit marloriaammik tallimanngortarnerat Nunatsinni qaqutigoortarpoq. Aprilip 12-ani nukappiaratsiarsuaq Sisimiuni inunngorpoq, anaanagalugu 17-inik ukiulik Pilunnguaq Lennert (kissummiartoq), nukappiaqqap aanagaa 38-inik ukiulik Bodil Petrussen (Pilunnguup sanianiittoq), aanaqqeeraalu 57-inik ukiulik Louise Johansen (Bodilip sanianiittoq), kiisalu nukappiaqqap aanaqqeeqqeeraa 86-inik ukiulik Dorthe Inûsugtoq (saamerlermi issiasoq). Tunorliullutik nikorfapput nukappiaqqap aataava 40-inik ukiulik Karl Lennert (talerpilleq), nukappiaqqallu aanaqqeeraa Ane Steenholdt (Karlip sanianiittoq) kiisalu nukappiaqqap aanaqqeeqqeeraa 79-inik ukiulik Ingeborg Lennert (nikorfasoq saamerleq).

Pilunnguaq Lennert ernertaaminik kissummiarpoq, nikorfalluni talerpilliuvoq Pilunnguup ataataa Karl Lennert, nikorfasoq saamerliuvoq Karlip anaanaa Ane Steenholdt talerpilliulluni issiavoq Anep anaanaa Ingeborg Lennert.

Nikorfalluni saamerliuvoq Pilunnguup anaanaa Bodil Petrussen, sanianiippoq Bodilip anaanaa Louise Johansen, talerpillermi issiavoq Louisep anaanaa Dorthe Inûsugtoq.

18. april 2011 assilisat

Ingen kommentarer:

Send en kommentar

Sisimiut assitigut takujuk / Sisimiut in pictures

Digitalimik assiliineq 1996-imi misilittaqqaalerakku assiliivik digitaliusoq akueriuminaatseqqaarsimavara, taamanimi digitalimik assiliiviit pitsaassutsimikkut killeqalaartorujussuupput. Taamaakkaluartoq assiliivik digitali assiliissutigisarlugu taamanili attassimavara, kaasarfimmioriuaannarakkulu sumiikkaluaraangamaluunniit assiliilaartuartarpunga taamaalillungalu Sisimiuni pisartut ilarpassui assitigut malinnaaffigisarlugit.

Malugiuk!
Quppernerup naqqani allaqqasoq Ældre indlæg toorukku siusinnerusukkut assit ikkutat takusinnaavatit.

Since I started using a digital camera in 1996 I was a little doubt about the quality of these cameras back then were very limited in their visual qualities. But I used it anyway until today where I always have it in my pocket, and so I went with the camera of the many that is happening in our city.

Note!

When you press Ældre indlæg at the bottom screen, you can also see other pictures from the past.

SARSUA MEDIA

1996-imi tusagassiortutut naammassivunga Nuummi tamatumalu kingorna aviisi Sivdlek', Sisimiut Tusaataat aammalu Sisimiut TV suliffigisarsimallugit. Sivdlek' ukiuni arlalippaalunni aaqqissuisuuffigaara aammalu Nunaqarfimmiut Aviisiat aqqissuisuuffigisimallugu kiisalu Sisimiut TV ukiuni arlalinni pisortaaffigisimallugu.

Novemberip aallaqqaataaniit 2008 tusagassiortututut namminersortunngorpunga tv-iikkut nutaarsiassalerineq pingaarnerutillugu sulisarlunga. Suliffimineeraatiga taaguuserpara SARSUA MEDIA, tassungalu aallaavigitippara angerlarsimaffitta aqqusernga; Sarsuatsiivinnguup qulaa.

Tunitsivigisartagarali 2009-ip aasarnerani nalunaaruteqarmat namminersortunut pisiortortarnertik unitsinneqartoq, allatut ajornartumik aalajangersimasumik suliffeqalerpunga 2010 aallarnerfigalugu.